21‏/2‏/2013

اهازيج وشعارات للثورة


مجاهد العراقي
بعد 60 يوما من اعتصام الثوار في محافظات العراق، وعدم تنفيذ حكومة المالكي حقوق المعتصمين ومواصلة تنفيذ جرائم الاغتيال والاعتقالات، نقول بلسان المعتصمين:



ستين يوم المضت والحق بقه مهدور
نصبر ونظل نعتصم ضد الظلم والجور

يمالكي شفت الغضب             شلون من ثار الشعب
جمعة غضب للتغيير              ثورة ثورة للتحرير
رصاص الغدر ميفيدك            يمالـــكي منريــــــدك
متفيد الاعتقالات                   منسكت احنه هيهات
هاي الجمعة للتمجيد                للشهداء والتخليد
للجنة الشهداء                   الموت الموت للأعداء
كافي فساد وإجرام              يا ظلام يا حــكــــــــــام


كل الحواجز متفيد               احنه أقوه من الحديد
هذا هو حزب الدعوة   بس اجرام وقتل ورشوة
الاقنعة كلها سقطت           وعروشهم كلهه اهتـــــــزت
صبرنا زاد عن حده          عزمنـــه مــحد يـــــرده
انكشفت كل الاوراق         والاقنعة والنــفـــــــــاق
يمالكي يـــــدجــــال          تستحق اسم المحتال
لا الــــــه الا اللـــــه          المالكي عـــــــدو اللــــــه
كشر البصل حكمك صار       يمالــــكي يــــــــــــغـــــدار
يمالكي كافي ظلم                لتلزك بـــكرســـــي الـــحكم
يمالكي لا تغتر                  تالي النتيجة  تـــخسر
المحتل جابه يحكمنه      ويـــن يـــروح المــــطلوب النـــــه
يا مالكي بطل نهجك          ماينفعك هــــذا هـــرجــك
يمالكي احسن حل          اهرب انـت والـــمحـــتــــل
الشعب باقي للأبد            والمالـــكي عـــنــه ابـــتـعد
يمالكي كافي قمع            الشـــعــب للـحـق مـندفــع
ابوابه مســـــــدودة        والشـــعــــب مل وعـوده
  اهل الفلوجة الثوار          عالمحتل حديد ونـــار

يا رمـادي يا رمـادي             ثورة ثورة عالأعادي
الأنبار كلها ملاحم              عل المحتل وهذا الظالم
ميضيع دم الشهيد                خالد بالجنة تخليد
ثوروا ثوروا للتغيير          حتى نطرد كل شرير
كل مجرم خلي يرحل         ويه الغازي والمحتل
للتحرير ينادي ينادي       كل حارة وشارع ببلادي
دور العشاير معروف      ويه الشعب همه سيوف
هبي هبي عشايرنا         انت السيف بيوم المحنة
صوت الشعب دوه دوه       نحطم بيهه أكبر قوة
اصمد اصمد يعراقي          انت أملنا الباقي
حكم المالكي ميدوم         زاد الظلم عالمظلوم
كل احنه اخوة بالدين        منريد هالدجالين
دستور هذا مرفوض          للشعب كله معروف
الدستور كله ثغرات           والطائفية اثبات
كافي اجتثاث وتهميش          انريد  الشعب بعز يعيش
هالأرامل والايتام                وبسبب ذوله الحكام
الطائفية قذرة                    شعب العراق تضره

ماكو حقوق الانسان             العراق يحكمه طغيان
كافي سجون سرية             انطو الناس الحرية
اسرع اسرع للتغيير            كافي الظلم والتهجير
يامالكي ترحل ترحل            غصباً تقبل لو ما تقبل
مظاهرة سلمية                  اطالب بالحرية
شعب اعراقي حي ما مات      يبقه حاضر للكلفات
بالقصر كاعد برمكي           كافي ظلم يمالكي
انريد تغيير الوضع             صوت الشعب خل ينسمع
ثورة غضب ثورة غضب       ويقودهه كل الشعب
وين وعودك بالتغيير          ثاري الحجي بس تسطير
جنسيات مزدوجة             ما بيها فود ولارجه
نريد جيش يحمينه          مو بالسجن يرمينه
محاصصة محاصصة          حكومة نوري الناقصة
الله واكبر بالعلم            حب الشعب اكبر قسم      
العلم ما نغيره              تسقط المؤامــــــــرة
تحكمنه زمرة فاسدة      بعون الله باجر شاردة
يا بغــــداد يا بغـــــــداد            ما نرضه بحكم الجلاد

بغداد تاريخ المجـــــد             بيها السواعد تتحــــد
أهل النجف يا أشراف             ثوروا ما بيكم خواف
يبقه الرفض من كربله          لكل ظالم وكل مهزلة
اهل السماوة الطيبين          منكم ثــــورة العــشرين
ثورة شباب اهل الكوت         تدوس الظالم فوكه تفوت
اهل الكوت اهل الكوت         همه الجلمه وهمه الصوت
الموصل قلعة الاحرار          كلهم مرجلة وإصرار
يا موصل يـــم الرماح            والنصر من عندج  لاح
البصرة كلهه ثورات           عالظلم تسكت هيهات
يا ذي قـــار يا ذي قـــــار         اهــلـــج تـاريـخ الاحرار
  ذي قار أهل النخوة           بيت الشرف والخـــــــوة
ابـــن بابـــــل ما يقبــــل           يرفض يرفض هل المحتل
أهل الحــــلة ما يرضون           للظالم دوم يرفضـــــون
يا ابــنــاء الديـــوانــيـــة            أنتم تيجـــان الــحــريــــة
يا أبـــنـــاء القـــادســيــة        ثوروا ثورا عالعجمية
ثلثين الطك لأهل ديالى           ثوروا غيروا هاي الحالة
يا ميســان يا ميســــــان             ثوري واعلني العصيان

يلعـــمـارة يلعــــمــارة             ثوري عل ذوله الغدارة
كل ابناء صلاح الدين             احنه عالعـــهــــد باقيـــن
كركوك كلهم أخوة                موقفهم موقف نخوة
شلك بالروح مخليها              الموت أولها وتاليها
أرواح الشهداء الأبية           تطارد ذوله الفاشية


ليست هناك تعليقات:

إرسال تعليق